Рўдер ила, пашам ышта

Башкортостан Республикын Президентшын 2003 ийысе Указшым илышыш пуртышашлан республикыште илыше калык-влакын историко-культурный рўдерыштым ышташ тў‰алме. Чылаже 14 тыгай рўдер лийын, а тений эше ныл калык шке рўдержым ыштен. Ынде 18 рўдер пашам ышта. Ончыч рўдер-влак Культура министерство пелен шотлалтыныт гын, ынде Башкортостан Республикысе «Келшымаш пєрт» государственный учрежденийын филиалже улыт.

Марий калыкын историко-культурный рўдерже 2004 ийыште почылтын. Учредительный погын Нерге ялыште лийын. Тушакынак марий-влакын республиканский историко-культурный рўдерым Мишкан селаште ышташ пунчалме. Рўдерын председательжылан В. Т. Байбулатовым сайлыме. Правлений пелен ныл комиссий ышталтын.

2006 ийыште паша палемдыме план почеш шукталтын. Поснак март тылзе лектышан лийын. Мартыште Благовещенский педколледжыште «Калык педагогикыште ойєрын верже» тема дене научно-практический конференций, Мишканыште «™ярня» пайрем, Мишканыштак «Яндар йўк» межрегиональный конкурс эртаралтыныт. Июньышто Кугу Соказа яллан 400 ий теммым палемдыме, июльышто Калтаса районышто Кўсє кумалтышым эртарыме. А. Искандаровлан (Ирсай, Мишкан), Я. Ялкайнлан (Чорай, Мишкан), В. Искаковлан (Янаул район, Рабак ял) 100 ияш юбилей-влакым кумдан пайремлыме. Вес элла гыч ученый-влакым вашлийме да моло пашат шукталтын.

Историко-культурный рўдерлан кызытеш ик штатный паша верым ойырымо, кок комплект компьютерым, ксероксым налме.

2007 ийыште шуктышаш паша-влак кокла гыч эн кугу верым Пўрє олаште Марий калыкын икымше погынжым эртарымылан (1917 ий, июль) 90 ий теммым палемдымаш да Башкирийын Россий государствыш шке кумылын ушнымыжлан 450 ий теммым Москваште пайремлыме годым «Марий кудым» ончыктымаш налеш.

Паша шуко. Сандене районлаште историко-культурный рўдерын филиалже-влакым вия‰дыман. Марий-влак илыман 14 районышто тыгай филиал лийшаш. Кызыт улшо филиал-влакын раш пашашт огеш кой, а икмыняр районышто ты паша верже гычат тарванен огыл.

Чыла тидыжым рўдерын председательже В. Т. Байбулатов 23 январьыште эртыше отчетный погынымашыште ойлен. Вара комиссий председатель-влак, кажне район гыч толшо представитель-влак выступатленыт. 2007 ийыште шуктышаш паша планым пе‰гыдемдыме.

Выступлений-влак почеш тийышле пунчалым лукмо. Правлений член-влакын погынымашыштым кварталлан ик гана чумыраш кутырен келшыме.

В. АБУКАЕВ.